მიმდინარე წლის 4 ოქტომბერს, 12:00 საათზე, საქართველოს მძლეოსნობის ეროვნულ ფედერაციაში, გაიმართა გამგეობის სხდომა. გამგეობამ იმსჯელა რიგითი საანგარიშო - საარჩევნო ყრილობის ჩატარების შესახებ და ერთხმად მიიღო შემდეგი გადაწყვეტილება:
1. 2024 წლის 8 ნოემბერს, 12:00 საათზე, მძლეოსნობის სასახლეში (მისამართი: ქ. თბილისი, წერეთლის გამზ. N95ა) ჩატარდეს რიგითი საანგარიშო - საარჩევნო ყრილობა;
2. საქართველოს მძლეოსნობის ეროვნული ფედერაციის წესდებით განსაზღვრულ უფლებამოსილ სუბიექტებს დაევალოთ არაუგვიანეს 2024 წლის 24 ოქტომბრის 18:00 საათისა ფედერაციის სამდივნოში წარმოადგინონ სასურველი კანდიდატურები პრეზიდენტის, პირველი ვიცე-პრეზიდენტის, ვიცე-პრეზიდენტისა და გამგეობის წევრის თანამდებობის დასაკავებლად.
საქართველოს მძლეოსნობის ეროვნული ფედერაცია